Enzo Fernandez er ennþá orðaður við brottför frá Chelsea þrátt fyrir fagn leikmannsins gegn Aston Villa í miðri viku.

Fernandez sendi stuðningsmönnum Chelsea skýr skilaboð um að hann væri ekki á förum annað þrátt fyrir sögusagnir sem voru á kreiki.

Diario Sport á Spáni segir þó að umboðsmaður Fernandez sé búinn að bjóða Barcelona að kaupa leikmanninn í sumar.

Þessar fréttir koma vissulega mörgum á óvart en umboðsmaðurinn hefur sjálfur sagt að Fernandez sé ekki á förum.

Um er að ræða 23 ára gamlan leikmann sem hefur ekki staðist væntingar í London hingað til eftir komu frá Benfica.