Samkvæmt nýjustu upplýsingum frá HS Orku verður seinkun á því að hægt verði að hleypa heitu vatni á nýju hjáveitulögnina við Njarðvíkurlögnina sem hraun flæddi yfir í gær.

Þetta kemur fram í tilkynningu frá Almannavörnum.

Vinnan við nýju lögnina hefur gengið vel en tafist örlítið og veldur það seinkuninni. Stefnt er að því að hægt verði að hleypa heitu vatni á lögnina á miðnætti í kvöld.

Það getur tekið allt að tvo sólarhringa til að ná fullum þrýstingi á lögnina og því þarf fólk að fara sparlega með vatnið áfram eftir að búið er að hleypa heitu vatni aftur.