Egyptaland er búið að ráða inn nýjan stjóra eftir misheppnaða Afríkukeppni þar sem liðið datt úr keppni í 16-liða úrslitum.

Portúgalinn Rui Vitoria var við stjórnvölin á mótinu en eftir tap gegn Kongó var hann látinn fara.

Hossam Hassan hefur verið ráðinn í hans stað en hann starfaði sem sparkspekingur í Egyptalandi á meðan mótinu stóð.

Um er að ræða markahæsta leikmann í sögu Egyptalands en hann lét helstu stjörnu liðsins, Mohamed Salah, heyra það áður en liðið féll úr leik.

Hassan gagnrýndi þar Salah fyrir að snúa aftur heim til Liverpool snemma þar sem hann reyndi að jafna sig af meiðslum frekar en að gera það í herbúðum landsliðsins.

,,Ef Salah telur að það sé best að fara þá ætti hann að gera það og ekki koma aftur því þetta eru ekki alvarleg meiðsli. Hann þarf á sjúkraþjálfara að halda sem er í boði hjá landsliðinu,“ sagði Hassan á meðal annars.

,,Hann þarf ekki á sérstakri meðhöndlun að halda í Liverpool, félagið veit það vel að ef þeir telja hann þurfa eitthvað geta þeir sent lækninn á mótið.“