Egill skrifaði sakleysislega færslu sem vakti athygli margra en þar sagði hann frá vinum sínum frá Venesúela, harðduglegu og hæfileikaríku fólki, sem eiga væntanlega yfir sér brottvísun frá landinu eins og aðrir frá Venesúela.
Í færslu sinni sagði Egill:
„Vinir okkar frá Venesúela þegar þau voru búin að segja okkur að þau kynnu að gera við rafmagn, pípulagnir og bíla – ofan á allt hitt sem þau gera: “We are from South-America, we have to be able to do everything.” Duglegasta og heiðarlegasta fólk sem ég hef kynnst, en stjórnvöld hér vílja ólm vísa því úr landi.“
Bjarni skrifaði eftirfarandi athugasemd við færsluna:
„Væntanlega borgað svart.“
Egill var ekki ýkja hrifinn af þessari athugasemd og lét Bjarna heyra það.
„Þetta fólk hefur enga vinnu – hvaða drullusokksháttur er þetta og ógeðslega forréttindablinda! En því er margt til lista lagt. Eiginmaðurinn er forritari.“
Bjarni furðaði sig á viðbrögðum Egils.
„Ha drullusokksháttur? Bara spurði einfalt ertu að borga svart? Er ég þá drullusokkur? Og með forréttinda blindu bættirðu við. Hef því miður aldrei verið með forréttindi.“
Egill svaraði að bragði:
„Þetta fólk er vinir mínir, það vinnur ekki fyrir mig. Hvað er að þér að bera fólki svona á brýn! Ég er ekki með atvinnurekstur og get t.d. ekki stundað taumlaust okur á vörum sem ég sel,“ sagði Egill.
Bjarni virtist þeirrar skoðunar að viðbrögð Egils væru heldur harðari en efni stæðu til.
„Voðalega ertu viðkvæmur með þetta. Gott að fólk hafi vinnu sérstaklega þegar það hefur litlar sem engar tekjur. En að mógúll eins og þú notir drullusokkatal og slæm orð og “constantly” breytir status. Það er ekki frjáls umræða.“
Egill var ekki á því að draga eitthvað í land.
„Svo þykistu ekki hafa forréttindi – við höfum báðir gríðarleg forréttindi miðað við þorra jarðarbúa. En þú veður inn á mína síðu með tilhæfulausar ásakanir í garð mín og vina minna.“
Bjarni hélt áfram að fara í taugarnar á Agli og spurði hvort skattsvik væru í lagi, án þess að fara einhver rök fyrir því að þetta tiltekna fólk stundaði skattsvik.
„Geturðu hætt þessu – þetta eru vinir mínir – geturðu ekki skilið það? Fengum okkur ís saman áðan og vorum að spjalla,“ sagði Egill og ákvað Bjarni í kjölfarið að verða við ósk Egils.
„Ok hættur,“ sagði hann.
