Gabriel Jesus framherji Arsenal hefur verið settur í bann í Counter Strike 2 tölvuleiknum. Ástæðan er sú að hann er sakaður um svindl.

Ensk blöð fjalla um málið og segja að Jesus hafi eytt þúsundum punda í leiknum til að uppfæra karlinn sinn.

Jesus sendi sjálfur inn færslu á samfélagsmiðla og kallaði eftir því að banninu yrði aflétt.

Counter Strike er fyrstu persónu skotleikur sem hefur verið afar vinsæll um langt skeið og er sérstaklega vinsæll í Brasilíu.

Jesus var sakaður um að vera með forrit sem gerði honum kleift að svindla og sjá andstæðinga sína í gegnum veggi leiksins.

Hi @counterstrike my account received a VAC ban unfairly, can you help me? Follow the account link and print of the ban https://t.co/pd2BgmA2BX pic.twitter.com/yQPI8uM5Jj

— Gabriel Jesus (@gabrieljesus9) January 22, 2024