Það eru margir fótboltamenn sem hafa lent í því að enda í rifrildum við sína þjálfara og það má segja um fyrrum enska landsliðsmanninn, Gabby Agbonlahor.

Agbonlahor er goðsögn Aston Villa en hann hefur lagt skóna á hilluna og var nálægt því að yfirgefa félagið 2016.

Roberto Di Matteo tók þá við keflinu hjá Villa og eitt það fyrsta sem hann bað um var að losna við enska sóknarmanninn.

Agbonlahor hafði allan sinn feril verið á mála hjá Villa og er fæddur í borginni Birmingham, heimabæ félagsins.

Di Matteo hafði lítinn áhuga á að nota Agbonlahor sem svaraði fyrir sig af fullum hálsi og var í kjölfarið neyddur í að æfa einn og spila með varaliðinu í dágóðan tíma.

,,Ég lenti í þessu undir Di Matteo hjá Aston Villa. Þetta er það versta sem þú upplifir sem fótboltamaður,“ sagði Agbonlahor.

,,Di Matteo vildi losna við mig og ég svaraði um leið: ‘Nei, hver ert þú að segja mér að fara? ég er ekki að fara neitt. Þetta er mitt félag, ég hef verið hérna síðan ég var krakki.’

,,Já við féllum úr efstu deild og þetta var vonlaus tími fyrir fótboltaliðið en ég vildi bæta upp fyrir það. Hann lét mig spila fyrir varaliðið og stundum æfði ég einn, þetta var ömurleg upplifun.“