Thiago Alcantara hefur mikið verið frá vegna meiðsla frá komu sinni til Liverpool árið 2020.

Spánverjinn kom frá Bayern á 25 milljónir punda og þrátt fyrir að hafa átt sínar rispur inn á milli hefur ferill hans á Anfield einkennst af meiðlum.

Thiago hefur nú ekki spilað síðan í leik Liverpool gegn West Ham í apríl í fyrra, á síðustu leiktíð.

Thiago þénar þó vel hjá Liverpool en hann er með 200 þúsund pund í vikulaun.

Þetta þýðir að hann hefur þénað um 7,2 milljónir punda frá því hann spilaði fótbolta síðast.

Thiago fer að öllum líkindum frá Liverpool þegar samningur hans rennur út í sumar en nú síðast var hann orðaður við sádiarabíska félagði Al-Ettifaq.