Vodafone hefur opnað fyrsta háhraða herbergið á Íslandi í Arena Gaming á Smáratorgi í Kópavogi. Herbergið býður rafíþrótta leikmönnum upp á bestu mögulegu upplifun við tölvuleikja spilun. Í herberginu eru 10 tölvur frá Alienware sem eru með öflugustu leikjatölvum í heimi ásamt skjáum sem hafa bestu mögulegu endurnýjunartíðni, eins og segir í tilkynningu. „Upplifun og nethraði skiptir okkur lykilmáli hjá Vodafone. Við höfum verið í farsælu samstarfi við Arena og vildum efla það ennþá frekar. Háhraðaherbergið stuðlar að bættri upplifun fyrir leikmenn og fjölskyldur sem heimsækja Arena,“ segir Lilja Kristín Birgisdóttir, markaðsstjóri Vodafone.
„Netsambandið sem Vodafone útvegar okkur er með beinni tengingu beint inn í hjarta tengimiðstöðvar Vodafone. Það er að okkar mati það hraðvirkasta sem er í boði á Íslandi. Því á nafnið háhraðaherbergi vel við. En hraði er einskis nýtur ef hann er ekki stöðugur og frá opnun staðarins, höfum við ekki misst netsamband í svo mikið sem eina sekúndu,“ segir Daníel Rúnarsson, framkvæmdastjóri Arena Gaming. Það er mikið á döfinni hjá Arena en í október er afmælismánuður þar sem nýir leikir verða kynntir og fjölbreyttir viðburðir haldnir. Alla miðvikudaga í vetur verður 2 fyrir 1 af leikjatíma fyrir viðskiptavini Vodafone.
