fbpx
Miðvikudagur 09.júlí 2025
Sport

Raggi Sig stýrir fram út tímabilið

Helgi Fannar Sigurðsson
Föstudaginn 18. ágúst 2023 21:59

Ekki missa af Helstu tíðindum dagsins í pósthólfið þitt

Lesa nánar

Það er ljóst að Ragnar Sigurðsson mun stýra karlaliði Fram út tímabilið í Bestu deildinni. Félagið staðfesti þetta í kvöld.

Ragnar var aðstoðarmaður Jóns Sveinssonar áður en hann var látinn taka pokann sinn og hefur stýrt liðinu til bráðabirgða undanfarið.

Það voru vangaveltur um hvort hann tæki við alfarið og nú er það komið á hreint.

Igor Bjarni Kostic, sem starfað hefur í Noregi og var áður aðalþjálfari Hauka, verður Ragnari til halds og trausts í Úlfarsárdalnum

Fram er ellefta sæti Bestu deildarinnar þegar þrjár umferðir eru eftir af hefðbundnu tímabili.

Yfirlýsing Fram
Kæru Framarar,

Ákveðið hefur verið að Ragnar Sigurðsson mun stýra liðinu út tímabilið.

Undanfarnar vikur hefur nýtt teymi komið inn af krafti auk þess sem leikmannahópurinn hefur brugðist vel við þeim krefjandi aðstæðum sem liðið er í. Hefur hvoru tveggja skilað sér og sýnt sig í vaxandi leik liðsins. Þessi batamerki á leik og anda liðsins gera það að verkum að við lítum svo á að liðið sé á réttri leið undir stjórn Ragnars.

Honum til aðstoðar hefur Igor Bjarni Kostic verið ráðinn til starfa hjá FRAM og bjóðum við hann hjartanlega velkominn.

Igor starfaði síðast hjá KA, þar sem hann var í þjálfarateymi meistaraflokks auk þess að sinna afreksstarfi félagsins. Áður en að leiðin lá norður, þá stýrði hann meistarafokksliði karla hjá Haukum í tvö ár og leiddi þar afreksþjálfun félagsins. Þar áður starfaði Igor hjá norska knattspyrnusambandinu og á árunum 2015-2019 var hann yfirmaður akademíunnar hjá Ullensaker/Kisa í Noregi.

Aðalsteinn Aðalsteinsson og Daníel Traustason verða áfram til aðstoðar á æfingum og í þjálfarateymi liðsins. Daði Lárusson verður markvarðaþjálfari sem fyrr og mun Óskar Smári Haraldsson, þjálfari kvennaliðsins taka að sér hlutverk í leikgreiningu. IH styrkur sinnir gagnagreiningu og styrktarþjálfun liðsins áfram.

Hlökkum til að sjá alla bláklædda á vellinum á sunnudaginn þegar liðið mætir norðanmönnum í KA.

Áfram FRAM!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Segir að Maignan hafi tekið ákvörðun sjálfur

Segir að Maignan hafi tekið ákvörðun sjálfur
433Sport
Fyrir 16 klukkutímum

Blikar töpuðu fyrri leiknum í Albaníu

Blikar töpuðu fyrri leiknum í Albaníu
433Sport
Fyrir 18 klukkutímum

Spenntur fyrir kvöldinu: Mætir goðsögninni í mikilvægum leik – ,,Sendi mér skilaboð og hvatti okkur áfram“

Spenntur fyrir kvöldinu: Mætir goðsögninni í mikilvægum leik – ,,Sendi mér skilaboð og hvatti okkur áfram“
433Sport
Fyrir 20 klukkutímum

Þrjú félög vilja Grealish – City búið að skella verðmiða á hann

Þrjú félög vilja Grealish – City búið að skella verðmiða á hann
433Sport
Í gær

Gagnrýna Reykjavíkurborg harðlega fyrir lítil samskipti – Ætla að reisa skólaþorp á bílastæðinu

Gagnrýna Reykjavíkurborg harðlega fyrir lítil samskipti – Ætla að reisa skólaþorp á bílastæðinu
433Sport
Í gær

Sagði Þorsteinn sjálfum sér upp í beinni útsendingu?

Sagði Þorsteinn sjálfum sér upp í beinni útsendingu?