Jack Grealish var aðalmaðurinn þegar Manchester City vann þrennnuna á dögunum og tók gott þriggja daga fyllerí áður en hann mætti til liðs við enska landsliðið.

Grealish spilaði ekki mikið í landsleikjunum en skellti sér beint til Las Vegas eftir þá.

Ensk blöð fjalla um ferð Grealish til Vegas núna en hann dvaldi á esorts World Las Vegas og var þar í Crockfords Palace svítu.

Nóttin kostar 15 þúsund pund en þar er bíósalur, sundlaug og allt sem til þarf til þess að njóta lífsins.

Þegar Grealish fór af hótelinu var búið að varpa upp stórri mynd af honum þar sem honum var þakkað fyrir komuna.

Grealish sást fara á tónleika með Tiesto en annars segja ensk blöð að hann hafi verið duglegur að æfa í borginni sem aldrei sefur.

Grealish á um tvær vikur eftir af sumarfríinu sínu áður en hann þarf aftur að mæta í fullu fjöri á æfingar City.