Gabriella Cavallin sem er nú fyrrum unnusta Antony hjá Manchester United segist hafa óttast um líf sitt þegar hann á að hafa lagt á hanar hendur.

Cavallin fór til lögreglunnar og segir að Antony hafi beitt sig líkamlegu ofbeldi. Segja fjölmiðlar að um sé að ræða fjögur skipti sem hún sakar Antony um ofbeldi. Segir í fréttum í Brasilíu að Cavallin hafi farið með myndir af meintum áverkum til lögreglunnar og samskipti þeirra á milli.

„Hann hélt um báðar hendurnar á mér, henti mér í rúmið og fór svo ofan á mig,“ sagði Cavallin.

„Við það fór silíkonið mitt að færast úr stað.“

Cavallin segist hafa óttast um líf sitt á þessum tímapunkti. „Á því augnabliki varð ég svo andstutt að mér leið eins og ég væri að deyja.“

Cavallin heldur því fram að Antony hafi haldið sér læstri inn á heimili hans í Manchester. „Hann braut ferðatöskuna mína, tók handtöskuna mína, vegabréfið mitt. Hann braut farsímann minn, hann vildi ekki sleppa mér,“ sagði Cavallin.

„Ég var fangi frá 22:00 til 03:30. Ég kalla það fangelsi. Ég vildi bara komast þaðan og hann sagði mér að ég myndi ekki fara fyrr en ég eyddi öllu úr símanum. Ég held að móðir hans hafi hringt í sálfræðing hans og beðið um hjálp. Enginn gat stjórnað honum.’

Cavallin staðfesti að hún ætli að leggja fram kæru í Manchester. „Ég geri allt sem ég þarf. Ég fer til Englands til að segja frá árásinni, fangelsinu og sálrænu ofbeldi. Allt sem hann gerði mér,“ segir Cavallin.