Lið AC Milan hefur staðfest það að Zlatan Ibrahimovic muni ekki spila með liðinu á næstu leiktíð.
Zlatan verður samningslaus þann 30. júní og fær ekki að skrifa undir framlengingu í Mílanó borg.
Svíinn er einn besti sóknarmaður sögunnar en hann hefur leikið með Milan frá 2019 og var einnig þar frá 2010 til 2012.
Zlatan er 41 árs gamall en hann hefur leikið með stórliðum á borð við Inter Milan, AC, Barcelona, Juventus, PSG, Ajax og Manchester United.
Nú er óljóst hvað tekur við hjá Zlatan sem á einnig að baki 122 leiki fyrir sænska landsliðið.
