Hollwyood stjarnan John Cena vonast til þess að geta fengið sér bjór með framherjanum Harry Kane einn daginn.

Ástæðan er heldur betur skondin en Cena var líkt við Kane af snjallmenninu ChatGPT sem hefur vakið mikla athygli undanfarnar vikur.

ChatGPT eitthvað sem allir hafa aðgang að en snjallmennið var beðið um að líkja Cena við einn ákveðinn knattspyrnumann.

Kane varð fyrir valinu og var ástæðan sú að báðir aðilar eru sterklega byggðir, vinnusamir og standa sig vel á hæsta stigi.

Cena hefur leikið í fjölmörgum kvikmyndum á sinni ævi en er einnig þekktur fyrir að keppa í ‘WWE’ sem er bardagaíþrótt.

,,Harry Kane, ég hef aldrei hitt þig en þú hljómar eins og algjör toppnáungi. Ég hef aldrei fengið eins hrós í mínu lífi,“ sagði Cena.

,,Takk fyrir að gera daginn minn betri. Ég brosti og fékk mörg hrós vegna þín. Ef þú vilt einhvern tímann fá þér bjór þá er ég til staðar fyrir þig.“