James Ward-Prowse, fyrirliði Southampton, sparaði ekki stóru orðin er hann ræddi fall liðsins í gær eftir 2-0 tap gegn Fulham.

Southampton er fallið úr ensku úrvalsdeildinni en liðið hefur tapað heilum 24 leikjum á tímabilinu.

Allar líkur eru á að Ward-Prowse sé á förum frá félaginu í sumar en hann hefur leikið þar allan sinn feril.

Miðjumaðurinn sá þessa staðreynd hins vegar koma og segir að hann og liðsfélagar sínir þurfi að spyrja sig stórra spurninga.

,,Þetta er svo svekkjandi. Þetta er hins vega augnablik sem hefur verið að koma,“ sagði Ward-Prowse.

,,Við vissum að við sjálfir komum okkur í þessa stöðu. Þegar þetta gerist þarftu að spyrja sjálfan þig hvort þú hafi gert nógu mikið.“

,,Hafa réttar ákvarðanir verið teknar? Höfum við verið nógu góðir á velli? Höfum við gert nóg sem lið? Ég trúi því að við ættum að gera betur en við höfum ekki gert það reglulega.“

,,Ég hef verið hér síðan ég var átta ára gamall og upplifað góðu og slæmu tímana. Ég er viss um að við komumst aftur upp á engum tíma með rétt fólk á bakvið okkur.“