Arsenal vonast eftir því að geta gengið frá samningi við Bukayo Saka áður en tímabilið er á enda. PA segir frá en viðræður hafa lengi staðið yfir.

Enski sóknarmaðurinn hefur frá því síðasta haust rætt við félagið um nýjan og bættan samning.

Saka er 21 árs gamall en hann hefur átt góðu gengi að fagna í vetur, Arsenal á möguleika því að vinna deildina þegar þrír leikir eru eftir.

Saka skrifaði undir samning árið 2020 en allir aðilar telja að samningar náist á allra næstu dögum.

Saka sagði frá því í ágúst að hann væri vongóður um að skrifa undir nýjan samning en Arsenal leggur mikla áherslu á að klára málið.