Playboy-fyrirsætan Katie May, sem sat meðal annars fyrir á ljósmyndum fyrir tímaritið Playboy, er látin, 34 ára að aldri.

Að sögn TMZ leitaði hún til læknis á dögunum vegna verkja í hálsi. Á mánudaginn var hún svo lögð inn á sjúkrahúss í kjölfar blóðtappa í hálsslagæð. Fyrirsætan komst aldrei aftur til meðvitundar og var ákveðið að taka vélar sem héldu henni á lífi úr sambandi í gærkvöldi.

Katie May var vinsæl fyrirtæta sem auk þess að sitja fyrir hjá Playboy sat fyrir hjá Sports Illustrated. Þá var hún með rúmlega tvær milljónir fylgjenda á Instagram. Loks var fyrirsætan vinsæl á Snapchat og var gjarnan kölluð „Snapchat-drottningin“ vegna líflegra mynda og myndskeiða sem hún deildi með fylgjendum sínum.

Katie lætur eftir sig sjö ára dóttur.