Það er athyglisvert að skoða sjö leikmenn sem hafa yfirgefið Liverpool og gert betri hluti annars staðar.

Margir frábærir leikmenn hafa spilað með Liverpool undanfarin ár en ekki allir hafa náð að láta ljós sitt skína.

The Sun tók saman lista yfir sjö stjörnur sem hafa gert það gott annars staðar í Evrópu eftir að hafa yfirgefið Liverpool.

Conor Coady

Coady er 29 ára gamall varnarmaður en hann gekk í raðir Liverpool árið 2005 þá aðeins 12 ára gamall. Hann átti eftir að spila mjög vel með Wolves og á þá að baki 10 landsleiki fyrir England.

Peter Gulacsi

Þessi 32 ára gamli markmaður var í sex ár hjá Liverpool en var aldrei hugsaður sem aðalmarkmaður liðsins. Gulacsi var lánaður til liða í neðri deildum Englands en var svo seldur til RB Salzburg í Austurríki. Eftir góða frammistöðu þar þá gekk hann í raðir RB Leipzig í Þýskalandi og er enn númer eitt.

Raheem Sterling

Sterling var flottur hjá Liverpool og fékk sín tækifæri, félagið vildi aldrei losna við hann. Manchester City bauð risaupphæð í Sterling og spilaði hann þar í mörg ár og gekk svo í raðir Chelsea í sumar.

Alvaro Arbeloa

Arbeloa spilaði 66 deildarleiki fyrir Liverpoll frá 2007 til 2009 en hann kom frá Real Madrid árið 2006. Tveimur árum eftir að hafa skrifað undir á Englandi hélt leikmaðurinn aftur til Real og átti góð sjö ár hjá félaginu.

Iago Aspas

Aspas gat í raun aldrei neitt á Englandi en hann kom til Liverpool frá Celta Vigo árið 2013 og spilaði aðeins 14 deildarleiki án þess að skora mark. Aspas hélt svo aftur til Celta árið 2015 og hefur raðað inn mörkum þar undanfarin átta ár.

Suso

Þessi 29 ára gamli vængmaður spilar með Sevilla í dag en er þekktastur fyrir tíma sinn hjá AC Milan. Suso lék með Liverpool frá 2010 til 2015 en fékk fá tækifæri með aðalliðinu og náði að sýna eigin gæði annars staðar.

Danny Ings

Ings er eitt þekktasta nafnið á þessum lista en hann gekk í raðir West Ham á dögunum. Ings fékk aðeins að spila 14 deildarleiki fyrir Liverpool á fjórum árum en það var einnig að hluta til vegna meiðsla. Ings gekk í raðir Southampton eftir dvölina hjá Liverpool og skoraði mark í öðrum hverjum deildarleik í tvö ár og gekk svo í raðir Aston Villa og svo West Ham.