Kun Aguero fyrrum framherji var allt í öllu í fagnaðarlátum Argentínu þegar liðið varð Heimsmeistari á sunnudag.
Aguero var byrjaður að starfa í kringum liðið á meðan mótið var í gangi en hann þurfti að hætta í fótbolta í lok síðasta árs vegna hjartagalla.
Aguero fagnaði eins og óður maður með Argentínu eftir sigurinn í Katar og flaug með liðinu heim til Argentínu.
Hefði Aguero verið áfram í fótbolta þá hefði hann að öllum líkindum verið í leikmannahópi liðsins.
Aguero hefur greint frá því að hann hafi sett veðmál fyrir mótið um það að Lionel Messi yrði kjörinn besti leikmaður mótsins.
Aguero lagði þúsund dollar undir og vann rúma 8 þúsund dollara enda var Messi kjörinn sá besti eftir sigur liðsins.
