Andrea Mist Pálsdóttir hefur gengið frá samningi við Stjörnuna og mun leika með liðinu næstu árin. Frá þessu segir félagið.

Það er gífurlegur liðsstyrkur í Andreu, enda hefur hún leikið næstum því 200 leiki í deild og bikar á Íslandi, spilað 33 landsleiki þar af 3 fyrir A-Landsliðið sem og spilað erlendis 👊

Andrea spilar sem miðjumaður og mun klárlega hjálpa liðinu og auka breiddina í hópnum. 

„Ég er gríðalega stolt og ánægð með nýja samninginn hjá Stjörnunni og get ekki beðið eftir að hefjast handa. Liðið er stúfullt af hæfileikaríkum og góðum leikmönnum eins og árangur sumarsins gaf að kynna. Aðstaðan og umgjörðin er frábær og hlakka ég mikið til komandi tíma í Garðabænum”, segir Andrea Mist um félagsskiptin.

Andrea lék með Þór/KA síðasta sumar en hefur á ferli sínum einnig spilað fyrir FH og Breiðablik.