Að minnsta kosti 14 manns létu lífið og tugir eru særðir eftir eldsvoða sem kom upp á skemmtistað í Tælandi. Aðeins var ein leið inn og út af staðnum. Eldurinn kviknaði á skemmtistaðnum Mountain B um eittleytið í gærnótt á meðan hljómsveit spilaði, samkvæmt BBC. Nattanit Pikulkaew komst lífs en bróðir hans er í alvarlegu ástandi á spítala. Hann sagði CNN að söngvari og hljómborðsleikari hljómsveitarinnar Taew Waew létust. Flest lík fundust á salernum staðarins og í hrúgu við innganginn eina.

Lögregla hefur staðfest að allir þeir látnu, meðal annars 17 ára drengur, séu tælenskir ríkisborgarar. Meira en 40 aðrir voru særðir, af þeim 14 alvarlega. Upptaka öryggismyndavélar sýnir fólk að öskra og hlaupa í átt að útganginum, sumir í fötum í ljósum logum. Það tók slökkvilið þrjá tíma að koma hemil á eldinn. Yfirvöld sögðu að eldfimar hljóðeinangrandi plötur á veggjum staðarins hafi hraðað á útbreiðslu eldsins.

Pikulkaew sagðist hafa heyrt einhvern öskra að þakið brynni. Hún sagðist þá hafa séð hátalarana á sviðinu íbrenna og að á örskotsstundu hefði loginn komist í þakið. Mergð fólks reyndu að troða sér út um innganginn og reyndu að brjóta glerveggina en þeir voru of þykkir. Prayuth Chanocha, forsætisráðherra Tælands, hefur kallað eftir rannsókn og hvatti eigendur skemmtistaða að tryggja að öryggisráðstafanir gegn eldsvoðum væru til staðar.