Óskað var eftir aðstoð lögreglu vegna fimm líkamsárása á höfuðborgarsvæðinu í gærkvöldi og nótt. Í Hafnarfirði var einn handtekinn grunaður um að hafa slegið mann í andlitið með glasi. Hann var vistaður í fangageymslu. Í Breiðholti réðst hópur manna á einn og hlaut hann minniháttar höfuðáverka.

Einn var handtekinn í Hafnarfirði á sjöunda tímanum í gær en sá er grunaður um hótanir og eignaspjöll.

Tveir ökumenn voru handteknir í gærkvöldi grunaðir um að vera undir áhrifum áfengis.

Einn ökumaður var kærður fyrir of hraðan akstur en bifreið hans mældist á 151 km/klst þar sem leyfður hámarkshraði er 80 km/klst.

Einn ökumaður var kærður fyrir notkun farsíma við akstur án þess að nota handfrjálsan búnað.

Skráningarnúmer voru fjarlægð af fjórum ótryggðum ökutækjum.