Það er ekki algengt að ungir leikmenn hafni því að ganga í raðir stórliðs Manchester United en það má ekki segja um ungstirnið Malcolm Ebiowei.
Ebiowei er gríðarlega efnilegur leikmaður en hann spilar með Derby County og er á óskalista margra liða.
Man Utd gerði nokkrar tilraunir til að lokka leikmanninn í sínar raðir en hann ákvað að velja annað félag.
Það er Fabrizio Romano sem segir frá þessu en Ebiowei hafnaði Man Utd til að semja við Crystal Palace.
Samningurinn gildir til ársins 2027 og er leikmaðurinn búinn að gangast undir læknisskoðun og skrifa undir.
Um er að ræða leikmann sem var leystur undan samningi hjá Arsenal 2019 og lék 15 leiki fyrir Derby á síðustu leiktíð.
