Vitality, einn af aðal styrktaraðilum enska úrvalsdeildarliðsins West Ham United hefur ákveðið að rifta samningi sínum við félagið í kjölfar dýraníðs eins af leikmönnum félagsins, Kurt Zouma. Þetta kemur fram í yfirlýsingu frá Vitality í dag.
Ástæðan á bak við riftun samningsins er sú að Vitality þykir West Ham brugðist rangt við þegar að myndband af Zouma sparka og slá til kattar síns fór á flug á samfélagsmiðlum. Zouma var í byrjunarliði West Ham í gærkvöldi þegar að liðið tók á móti Watford í ensku úrvalsdeildinni.
Þá er annar styrktaraðili liðsins Kissimmee að íhuga samstarf sitt við félagið.
Zouma var í dag sektaður af West Ham United um 250.000 pund og mun sú fjárhæð renna beint til dýraverndunarsamtaka í Bretlandi. Þá hafa kettirnir verið teknir af leikmanninum.
