Pamela Anderson hefur sótt um skilnað frá Dan Hayhurst, og heimildir herma að það hafi verið vegna þess að Dan var „vondur og sýndi henni ekki stuðning“ og var „fáviti“ (e. dick). Page Six greinir frá.

Þetta er fimmti eiginmaður Baywatch-stjörnunnar. Hjónin gengu í það heilaga á aðfangadag 2020 á heimili þeirra í Vancouver í Kanada og hafa dvalið þar síðan.

Dan var áður lífvörður Pamelu og verktaki á heimili hennar áður en ástin kviknaði á milli þeirra.

Heimildarmaður náinn parinu segir að til að byrja með hefði samband þeirra blómstrað í faraldrinum en að vera í sóttkví saman hefði gert útslagið.

„Það komst í ljós að Dan var fáviti við Pamelu. Hann var vondur og sýndi henni ekki stuðning. Eftir að eyða hverri sekúndu með einhverjum í tvö ár þá kynnistu þeim betur. Þau kynntust hvort öðru betur og þannig komst Pamela að því að Dan væri ekki sá rétti,“ segir heimildarmaðurinn og bætir við.

„Það er ekki gott á milli þeirra núna því hún ákvað að þau ættu ekkert sameiginlegt. Hann kom ekki fram við hana eins og henni finnst hún eiga skilið.“

Rolling Stone greindi fyrst frá skilnaðinum. „Ást Pamelu er jafn sönn og hvernig hún lifir lífi sínu,“ sagði heimildarmaður við tímaritið.

Pamela var gift Tommy Lee frá 1995-1998, Kid Rock frá 2006-2007, hún giftist Rick Salomon tvisvar, frá 2007-2008 og aftur 2014-2015. Hún giftist kvikmyndaframleiðandanum Jon Peters árið 2020 en skildi við hann tólf dögum seinna.