Íslenska tæknifyrirtækið Dohop hefur hlotið verðlaun World Travel Tech Awards í flokki bókunarvéla. Verðlaunin eru afhent í fyrsta sinn í ár, en þau eru hluti af hinum virtu World Travel Awards. Dohop var stofnað árið 2004 og hefur frá upphafi haft höfuðstöðvar í Reykjavík. Davíð Gunnarsson, framkvæmdastjóri Dohop, segir: „Þrátt fyrir allt höfum við átt frábært ár og að vinna fyrstu World Travel Tech Awards fyrir okkar tækni kórónar þann ágæta árangur. Þetta er mjög mikil viðurkenning fyrir okkur og það alþjóðlega starf sem við vinnum fyrir notendur okkar. Við viljum fyrst og fremst þakka öllum þeim sem kusu okkur fyrir að standa þétt við bakið á okkur. Auk þess væri þetta ekki hægt án þess frábæra hóps sem vinnur hjá Dohop.“
Síðastliðin ár hefur stefna Dohop breyst mikið, úr því að aðstoða notendur beint við að finna hagstæð flug yfir í að þjónusta stærstu flugfélög heims og byggja upp innviði þeirra. Í dag knýr tækni Dohop meðal annars stór verkefni á vegum easyJet, Air Transat og Air France ásamt því að tengja saman stór net flugs og lestarsamgangna í Evrópu
