Vanda Sigurgeirsdóttir formaður KSÍ var til viðtals á Rás2 í morgun þar sem hún fór yfir málefni Knattspyrnusambandsins. Skýrslu um vinnubrögð KSÍ kom út í gær en sambandið óskaði sjálft eftir skýrslunni.
Vanda var einnig spurð í málefni Eiðs Smára Guðjohnsen sem lét af störfum sem aðstoðarþjálfari liðsins á dögunum. KSÍ og Eiður Smári voru á sama máli um að ljúka samstarfinu eftir mál sem höfðu komið upp.
„Ég ætla vera hreinskilinn, ég var buguð eftir þetta. Mér fannst þetta leiðinlegt og var sorgmædd í hjartanu að við hefðum þurft að komast að þessari sameiginlegu niðurstöðu. Ég hefði bara farið að gráta, ég var bara þar,“ segir Vanda í viðtalinu við Rás2
Vanda hefur hingað til ekki veitt viðtöl vegna málsins en Ómar Smárason starfsmaður sambandsins svaraði fyrir málið.
„Ég bað Ómar um að fara í viðtölin fyrir mig. Ég þurfti bara að ná mér. Ég gat nánast ekkert sofið þessa nótt og leið ömurlega.“
Vanda ræddi einnig um skýrsluna þar sem farið var yfir framgöngu KSÍ í þeim málum er varðar áskanir á hendur landsliðsmanna um ofbeldi.
„Mér finnst mjög mikilvægt að þessi skýrsla sé ekki notuð til að ráðast gegn þolendum, til að efast um orð þeirra, því nóg er á þolendur lagt,“ sagði Vanda
„Það sem við getum gert er að skoða skýrsluna og séð hvað í henni stendur varðandi það sem við þurfum að bæta. Við vitum ýmislegt um það sem við þurfum að bæta,“