Starf Ole Gunnar Solskjaer sem þjálfari Manchester United hangir á bláþræði en liðið hefur aðeins unnið einn af síðustu fimm deildarleikjum.
Park Ji-sung, fyrrum leikmaður Manchester United, finnst þó ótímabært að reka Solskjaer og segir að hann eigi hrós skilið fyrir ákveðna hluti. Hann telur sig þó hafa fundið næsta mann fyrir United ef félagið ákveður að reka Norðmanninn.
Brendan Rodgers og Zinedine Zidane hafa helst verið orðaðir við stjórastöðu Manchester United en Park vill sjá Wayne Rooney taka við liðinu ef Solskjaer verður rekinn.
Rooney er þjálfari Derby County en liðið er í erfiðri stöðu eftir að 21 stig var tekið af liðinu vegna þess að eigandinn braut fjárhagsreglur.
