Í febrúar á þessu ári hitti Sam Pybus, 32 ára karlmaður frá Darlington á Englandi, hjásvæfu sína, Sophie Moss. Pybus og Moss höfðu átt í leynilegu sambandi undanfarin þrjú ár en þau hittust um það bil 6 sinnum á ári.

Pybus hafði beðið eftir því að eiginkona sín myndi sofna en þegar hún var sofnuð sendi hann Moss skilaboð. Pybus og Moss hittust heima hjá þeirri síðarnefndu og stunduðu saman kynlíf sem endaði afar illa.

Pybus tók utan um háls Moss í kynlífinu og kyrkti hana í nokkrar mínútur með þeim afleiðingum að hún lét lífið. Pybus reyndi ekki að veita Moss skyndihjálp, hann fór þess í stað út í bílinn sinn og sat þar í 15 mínútur á meðan hann ákvað hvað hann ætlaði að gera. Þegar 15 mínútur höfðu liðið ákvað hann að keyra á lögreglustöð og segja þeim hvað hafði skeð.

Eftir að Pybus sagði lögreglunni hvað hann hafði gert keyrðu lögreglumenn heim til Moss og fundu hana þar án meðvitundar. Brunað var með hana á sjúkrahús en tilraunir til endurlífgunar báru ekki árangur. Moss var úrskurðuð látin, aðeins 33 ára gömul.

Í gær var Pybus dæmdur í 56 mánaða fangelsi með möguleika á að losna út þegar 28 mánðir eru liðnir. Hann var ákærður fyrir morð en fékk lægri dóm fyrir að játa brotið þar sem ekki næg sönnunargögn voru til staðar.