„Sama sagan, circusinn heldur áfram,“ skrifar landsliðsmaðurinn Arnór Sigurðsson um atvik sem átti sér stað á Akranesi í gærkvöldi. ÍA og KA áttust þar við í leik í efstu deild karla í knattspyrnu.
Skagamenn unnu frækinn sigur á HK en bæði þessi lið sitja í fallsæti, sigur Skagamanna var mikilvægur og gefur félaginu von um að kraftaverk geti átt sér og Skagamenn haldið sér í deild þeirra bestu.
ÍA tók forystuna snemma í leiknum þegar varnarmaðurinn Alex Davey skoraði og skömmu síðar virtist Gísli Laxdal Unnarsson koma Skagamönnum í 2-0. Skot hans langt fyrir utan teig fór í slánna og inn í markið, hvorki Helgi Mikael dómari eða Bryngeir Valdimarsson aðstoðarmaður hans sáu atvikið.
when the ref says this isn’t a goal…little does he know i was filming🧐😡🤬 @ia_akranes @ia_akranes @Fotboltinet @FotboltinetRT pic.twitter.com/yfcfvE731U
— Kenna Akimi / 秋美 (@kennahawaii) August 8, 2021
Það sauð á Skagamönnum eftir atvikið en þeir fóru að lokum með sigur af hólmi. Fleiri umdeild atvik áttu sér stað í leiknum þar sem dómar virtust falla með Skagamönnum.
Atvikið má sjá hér að neðan en segja má að þarna fari fram rán um hábjartan dag eins og oft er sagt.
sama sagan, circusinn heldur áfram https://t.co/p3QdCP3gUF
— Arnór Sigurðsson (@arnorsigurdsson) August 8, 2021
