Manchester United hefur sett sig í samband við umboðsmann Saul Niguez, miðjumanns Atletico Madrid. Fabrizio Romano greinir frá.
Hinn 26 ára gamli Saul hefur verið lykilmaður í liði Atletico síðustu ár. Hann var þó með aðeins minna hlutverk í liðinu sem varð Spánarmeistari á síðustu leiktíð. Í kjölfarið fór fólk að setja spurningamerki við framtíð hans hjá Atletico.
Samkvæmt Romano er Man Utd aðeins eitt af nokkrum félögum sem hafa sett sig í samband við umboðsmann Saul.
Þá kemur einnig fram að það muni kosta á bilinu 40 til 45 milljónir evra að tryggja sér þjónustu miðjumannsins.
Man Utd er í leit að miðjumanni í sumar. Paul Pogba gæti verið á förum frá félaginu.
