David Unsworth, fyrrum leikmaður og núverandi þjálfari U-23 ára liðs Everton, hvetur unga leikmenn liðsins til að hlusta á Rafa Benitez en Spánverjinn hefur reglulega heimsótt akademíuna að undanförnu. Benitez tók við þjálfarastöðunni hjá Everton í júní og fór strax í það að undirbúa liði fyrir komandi tímabil.

Nokkrir af yngri leikmönnum liðsins hafa þegar fengið að spreyta sig á undirbúningstímabilinu í leikjum fyrir luktum dyrum, og aðrir fóru með liðinu til Bandaríkjanna í síðasta mánuði.

Unsworth segir að Benitez hafi reglulega heimsótt akademíuna til að fylgjast með ungu leikmönnunum, og gefið þeim ráð varðandi hvernig þeir eiga að bregðast við ef þeir fá tækifæri með aðalliðinu.

„Ég er svo ánægður að Benitez hafa gefið sér tíma í að heimsækja okkur reglulega í akademíunni,“ sagði Unsworth í viðtali við evertonfc.com. „Hann er áhugasamur um hver gæti verið nógu góður til að leika með aðalliðinu. Hann hefur verið hérna í stuttan tíma, en ég hef þegar átt góðar samræður við hann um ungu leikmennina. Þetta er frábært fyrir þá að fá þjálfara sem er svona reynslumikill. Hann er topp þjálfari og hefur unnið titla.“

„Þegar ungu strákarnir æfa með aðalliðinu þurfa þeir að njóta sín í því umhverfi. Þeir þurfa að hlusta og læra af Rafa og þjálfarateymi hans þegar þeir fá tækifæri.“

Everton er með marga góða unga leikmenn og Unsworth hefur talað um hvað hann er stoltur að sjá þá spreyta sig með aðalliðinu og vonast eftir því að sjá þá í atvinnumennskunni.