Miðvörðurinn Gary Cahiill er án félags eftir að hafa yfirgefið Crystal Palace en þetta kemur fram í frétt á The BBC. Englendingurinn kom til félagsins á frjálsri sölu frá Chelsea fyrir tveimur árum síðan.
„Eftir mikla umhugsun get ég staðfest það að ég hef yfirgefið Crystal Palace,“ sagði Gary Cahill á Instagram síðu sinni.
Patrick Vieira tók við Lundúnarliðinu fyrr í sumar og hefur þegar fengið varnarmennina Joachim Andersen og Marc Guehi til félagsins.
Cahill vann ensku úrvalsdeildina, FA bikarinn, deildarbikarinn, Meistaradeildina og Evrópudeildina með Chelsea á sínum tíma. Þessi fyrrum leikmaður Bolton og Aston Villa á einnig 61 landsliðsleik að baki en hætti með landsliðinu eftir HM 2018.
