Nú er komið að verslunarmannahelginni og er fjöldi fólks á leið í útilegur um allt land, þó ekki á útihátíðir, þar sem sóttvarnalög bjóða ekki upp á þær. Veðurspáin lítur vel út og er glampandi sól á mörgum stöðum á landinu.
Gestir í Úthlíð í Bláskógabyggð hafa þó ekki fengið að njóta sólarinnar þennan eftirmiðdag þar sem þar hafa verið þrumur og eldingar síðustu tímana.
Ein þeirra sem gistir í sumarbústað í Úthlíð þessa stundina sendi DV myndband af veðrinu og hægt er að heyra í þrumunum sem dynja yfir. Einnig er mikil rigning á svæðinu eins og sjá má á myndbandinu hér fyrir neðan.
