9 einstaklingar greindust með Covid-19 hér innanlands í gær en enginn af þeim smituðu var í sóttkví. Þetta kemur fram í bráðabirgðatölum frá almannavörnum. Þá kemur einnig fram að 7 hafi greinst með kórónuveiruna á landamærum Íslands.

Ekki er vitað hversu margir af þeim einstaklingum sem smituðust innanlands og á landamærunum í gær voru bólusettir gegn veirunni. Í tilkynningunni frá almannavörnum kemur þó fram að meirihluti þeirra smituðu hafi verið bólusettir.

Eftir gærdaginn eru nú 379 manns bólusettir, þá eru 111 smitaðir í einangrun. Ljóst er að tala þeirra sem eru í sóttkví fari hækkandi í dag á meðan er verið að rekja þau smit sem greindust í gær.

Þeir sem sýna minnstu einkenni, hvort sem þeir eru bólusettir eða ekki, eru hvattir til að fara í sýnatöku.