Hjá Manchester United eru æðstu menn ósammála um það hvað eigi að gera við Jesse Lingard í sumar. Mirror fjallar um málið.

Þessi 28 ára gamli miðjumaður var frábær með West Ham er hann lék þar á láni seinni hluta síðustu leiktíðar.

Lingard á eitt ár eftir af samningi sínum við Man Utd og sjá menn tvo kosti í stöðunni.

Annar kosturinn er að framlengja samning leikmannsins, halda honum hjá félaginu og um leið viðhalda þeim 30 milljóna punda verðmiða sem félagið hefur sett á hann.

Hinn kosturinn er að selja leikmanninn strax í sumar og vonast til að fá nálægt þeim 30 milljónum punda sem þeir vilja fyrir hann.

Þetta er ákvörðun sem menn virðast ekki geta komið sér saman um.