Vantrauststillagan á Sigríði Andersen dómsmálaráðherra var felld í vikunni og voru andstæðingar ríkisstjórnarinnar fljótir að hrópa svik og segja VG hvítþvo syndir ráðherrans. VG-liðar segja lítið, taka helst undir með formanninum og forsætisráðherranum um að vantraust á dómsmálaráðherra hafi litla þýðingu. Það sem Vinstri – græn vilja ekki segja opinberlega er að ástæðan fyrir traustinu á Sigríði Andersen sé ekki hrifning af henni heldur til að vernda eigin ráðherra. Ef þingmenn VG hefðu fylgt sannfæringu sinni og kosið með vantrausti myndi ekkert stöðva Sjálfstæðismenn í að lýsa yfir vantrausti á Svandísi Svavarsdóttur heilbrigðisráðherra og Guðmund Inga Guðbrandsson umhverfisráðherra, en segja má að þingmenn Sjálfstæðisflokks séu álíka hrifnir af þeim og Vinstri – græn af Sigríði Andersen.