Samkvæmt fjölmiðlum í Tyrklandi síðustu daga stefnir allt í að Birkir Bjarnason sé að semja við Adana Demirspor þar í landi.

Birkir hefur undanfarið leikið með Brescia á Ítalíu en samningur hans þar í landi er á enda í lok mánaðarins

Adana Demirspor var að koma upp í úrvalsdeildina í Tyrklandi og vill semja við íslenska miðjumanninn.

Birkir er 33 ára gamall en hann hefur spilað í Noregi, Sviss, Englandi, Katar, Belgí og á Ítalíu. Nú gæti hann verið að færa sig yfir til Tyrklands.

Birkir á tæplega 100 A-landsleiki fyrir Íslands og hefur átt fast sæti í byrjunarliði liðsins um langt skeið.