N´Golo Kante hefur slegið í gegn hjá Chelsea og Frakklandi síðustu ár. Hann er ekki bara góður inni á vellinum heldur er hann einnig þekktur fyrir góðmennsku og nægjusemi sína utan vallar. Þá kemur hann oft með gullmola í viðtölum enda mjög hreinskilinn.

Trivago, nýir styrktaraðilar á búningum Chelsea, spurðu Kante að því hver væri draumaáfangastaðurinn á sumrin. Leikmaðurinn á skemmtilegan hátt:

„Stundum er ég bara heima og er ánægður með það.“

Mjög einfalt og hreinskilið svar frá Kante en kannski ekki það sem hótel- og ferðarisinn vildi heyra.

Kante átti frábært tímabil með Chelsea í vetur og var meðal annars valinn maður leiksins í úrslitaleik Meistaradeildar Evrópu. Leikmaðurinn er nú með franska landsliðinu á Evrópumótinu í knattspyrnu en Frakkar hefja leik í kvöld gegn Þýskalandi.

Just love Ngolo Kante reply when asked where he would love to travel to. pic.twitter.com/cuVOatTIBb

— Frank Khalid (@FrankKhalidUK) June 15, 2021