Dean Henderson hefur dregið sig úr enska landsliðshópnum og kemur Aaron Ramsdale inn í hans stað. Henderson spilar fyrir Manchester United en Ramsdale fyrir Sheffield United sem féllu úr ensku úrvalsdeildinni á þessu tímabili.
Henderson er að glíma við meiðsli á mjöðm og getur þar af leiðandi ekki verið með liðinu á mótinu. Hann spilaði ekki í fyrsta leik liðsins á móti Króatíu en þá stóð Jordan Pickford, markvörður Everton, á milli stanganna.
Welcome back to the #ThreeLions squad, @AaronRamsdale98! 👋
— England (@England) June 15, 2021
David De Gea, hinn markvörður Manchester United, sat á bekknum allan leikinn þegar Spánverjar gerðu markalaust jafntefli við Svía í gær.