Glazer fjölskyldan setur mikla fjármuni í endurbætur á Old Trafford vellinum og þá fara einhverjir fjármunir í æfingasvæði félagsins.
Glazer fjölskyldan ætlar að nota 11 milljónir punda í endurbætur í sumar, þar á meðal eru ný flóðljós á vellinum og á æfingasvæðinu.
Einnig verða sett 1500 ný sæti í stúkuna þar sem hægt verður að standa. Klefarnir á Old Trafford verða teknir í gegn, eitthvað sem hefur lengi verið þörf á.
Þá verður ný tækni sett upp fyrir áhorfendur sem mæta á völlinn, snertilaus og hentar vel á tímum COVID-19.
Þá verða æfingavellir karla og kvennaliðsins á æfingasvæðinu teknir í gegn og verður lagt nýtt gras á þá.