Harry Maguire fyrirliði Manchester United er ansi tæpur fyrir úrslitaleik Evrópudeildarinnar, hann hefur verið fjarverandi síðustu vikur.

Maguire er í kappi við tímann og hefur ekkert æft eftir að hafa meiðst fyrir rúmum tveimur vikum gegn Aston Villa.

Hann ferðaðist með til Póllands en liðið mætir Villarreal í úrslitum á morgun. Ole Gunnar Solskjær segir að Maguire muni aðeins skokka á hliðarlínunni í dag á æfingu.

Það er því hæpið að Maguire muni stíga inn á völlinn en Solskjær mun bíða fram á síðustu sekúndu með að taka ákvörðun, mikilvægi Maguire er slíkt.

Solskjær er í dauðafæri á að vinna sinn fyrsta bikar sem stjóri United og er talsverð pressa á honum að klára þennan bikar.

OGS says he expects Harry Maguire to "just going to jog and down the side" at training shortly.

— Simon Stone (@sistoney67) May 25, 2021