Real Madrid er tilbúið að selja allt að tíu leikmenn í sumar, Florentino Perez forseti félagsins vill hreinsa til og byrja að smíða saman nýtt lið.

Einnig er talið líklegt að Zinedine Zidane láti af störfum sem þjálfari en hann ku íhuga það alavarlega að stíga frá borði.

Samkvæmt AS á Spáni verður Eden Hazard til sölu í sumar, Hazard er þrítugur en hefur aðeins spilað 40 leiki á tveimur árum. Hann kostaði félagið 130 milljónir punda þegar hann kom frá Chelsea.

Raphael Varane verður til sölu í sumar en varnarmaðurinn á þá aðeins ár eftir af samningi sínum og félagið þarf að skoða það að selja hann.

Manchester United, Chelsea og PSG eru öll áhugasöm um það að kaupa Varane sem er 28 ára gamall.

Real Madrid á sér þann draum að losna við Gareth Bale alfarið af launaskrá í sumar, hann er nú á láni hjá Tottenham. Luka Jovic, Marco Asensio, Isco, Mariana Diaz og Borja Mayoral verða allir til sölu.

Þá vill Real Madrid einnig selja Dani Ceballos sem er á láni hjá Arsenal og þá gæti Marcelo horfið á braut.