Það gæti reynst Liverpool erfitt að halda í Georgino Wijnaldum miðjumann félagsins. Félagið hefur vitað af þeim vandræðum um nokkurt skeið en ekkert hefur gengið í að endursemja við hollenska landsliðsmanninn.
Wijnaldum verður samningslaus í sumar og hafa viðræður Liverpool við hann og umboðsmann hans ekki borið árangur.
Wijnaldum er þrítugur miðjumaður sem kom til Liverpool frá Newcastle árið 2016. Barcelona vildi fá hann síðasta sumar en tókst ekki að klófesta hann.
Börsungar vilja fá hann frítt í sumar en fleiri félög hafa bæst í hópinn. Þannig greina franskir fjölmiðlar frá því að PSG og Inter Milan hafi mikinn áhuga á Wijnaldum.
PSG er sagt hafa mikinn áhuga en franska félagið vill styrkja miðsvæði sitt og horfir á Wijnaldum sem góðan og ódýran kost, enda kæmi hann frítt frá Liverpool.
