Bruno Fernandes, hefur reynst Manchester United afar dýrmætur leikmaður eftir að hann gekk til liðs við liðið árið 2019. Fernandes var á tímabili nálægt við að ganga til liðs við Tottenham en svo fór ekki.

Síðan þá hefur hann spilað 57 leiki fyrir Manchester United, skorað 31 mark og 20 leiki.

Darren Lewis, blaðamaður hjá Mirror, telur að forráðamenn Tottenham gráti það á hverjum degi að hafa þurft að horfa á eftir Bruno ganga til liðs við Manchester United.

„Ég hugsa að þeir gráti hvers einasta kvöld yfir því að hafa misst af Bruno þegar að þeir voru nánast með pálmann í höndunum og þrættu fyrir það hversu mikils virði leikmaðurinn væri,“ sagði Lewis á Talksport.

Fernandes hefur sjálfur greint frá því hversu nálægt hann var að semja við Tottenham.

„Ég var mjög nálægt því að fara til Tottenham. Yfir sumartímann var ég nær því að ganga til liðs við þá en Manchester United. Sporting taldi tilboð þeirra á þessum tíma ekki nægilega gott og vildu fá meiri pening fyrir leikmann eins og mig,“ sagði Bruno Fernandes í hlaðvarpsþætti Manchester United.