Jamie Carragher, fyrrverandi leikmaður Liverpool og núverandi sérfræðingur á Sky Sports, segir að Lionel Messi, leikmaður Barcelona sé besti leikmaður í heimi.
Eitt aðal deiluefni knattspyrnuáhugamanna síðustu ár hefur snúist um það hvor sé betri knattspyrnumaður Messi eða Cristiano Ronaldo. Carragher var spurður um sína skoðun í Pure Football hlaðvarpinu.
„Messi, ég hef aldrei vikið frá þeirri skoðun. Ég held að ég deili þeirri skoðun með meirihlutanum.
Carragher segist hins vegar bera meiri virðingu fyrir Ronaldo.
„Ég ber meiri virðingu fyrir Ronaldo, ástæðan fyrir því er sú að hann er með mikla hæfileika en hugarfar hans, fókusinn og vinnusemin, hafa gert hann að þeim knattspyrnumanni sem hann er í dag,“ sagði Carragher.
Hann segir að það sé munur á því hvernig Ronaldo og Messi spila.
„Ronaldo gerir hluti sem aðrir leikmenn geta gert, en hann gerir þá oftar. Hann skorar fleiri mörk en Messi gerir hluti sem aðrir leikmenn geta ekki gert,“ sagði Jamie Carragher í Pure Football hlaðvarpinu.
