Ríkharð Óskar Guðnason, íþróttafréttamaður á Stöð2 Sport hefur áhyggjur af framtíð Rúnars Alex Rúnarssonar hjá Arsenal, eftir tíðindi dagsins.

Mat Ryan hefur gengið í raðir Arsenal á láni frá Brighton, þessi 28 ára markvörður verður hjá félaginu út þessa leiktíð. Ryan er landsliðsmaður frá Ástralíu en hann hefur spilað 124 leiki fyrir Brighton eftir að hann kom til félagsins árið 2017.

Arsenal hefur leitað að markverði í janúar til að veita Bernd Leno samkeppni, Rúnar Alex Rúnarsson hefur verið keppinautur Leno síðustu mánuði.

Rúnar kom til Arsenal síðasta haust frá Dijon, enskir miðlar hafa fjallað um að Rúnar hafi alltaf verið hugsaður sem þriðji kostur í markið. „Þetta þýðir að Rúnar Alex sést að öllum líkindum ekki í treyju Arsenal meira á tímabilinu eða jafnvel aftur yfir höfuð. Amk aðalliðinu,“ skrifar Ríkharð Óskar á Twitter um stöðu mála.

Þetta þýðir að Rúnar Alex sést að öllum líkindum ekki í treyju Arsenal meira á tímabilinu eða jafnvel aftur yfir höfuð. Amk aðalliðinu. https://t.co/5oStrktwhR

— Rikki G (@RikkiGje) January 22, 2021

Aron Kristinn Jónasson, söngvari Club Dub og frændi Rúnar hefur ekki nokkrar áhyggjur af stöðunni. „Mat Ryan er 4. markmaður liðs sem er í 17. sæti,“ skrifar Aron en Ryan hafði átt sæti í marki Brighton síðustu ár, áður en hann datt út fyrir nokkrum vikum.

„Sýnist samkeppnin sem Alex er að veita Leno heilbrigð þar sem Leno er með 5 hrein lök í röð. Ryan verður þarna í 4 mánuði og finnur sér síðan annað lið,“ skrifar Aron og bendir á vonda tölfræði Ryan á þessu tímabili, enginn markvörður hefur staðið sig verr á þessu tímabili.

Rikki G telur að Arsenal versli svo bara annan markvörð næsta sumar. „Já og kemur svo ekki bara annar markvörður í sumar? Pointið mitt er að Arsenal treystir ekki Rúnari í að vera markvörður númer 2? Getur zzzz það að vild en það lítur bara nákvæmlega þannig út. Þótt leiðinlegt sé.“