Diego Molina sem starfar við að undirbúa lík fyrir kistulagningu og jarðarfarir hefur verið rekinn úr starfi eftir að hann tók mynd af sér með líki Diego Maradona.

„Mér líður illa,“ voru síðustu orð Diego Maradona þegar hann stóð upp frá matarborðinu heima hjá sér og ætlaði að leggjast í rúmið til að hvíla sig og reyna að ná bata. Þessi sextugi fyrrum knattspyrnumaður frá Argentínu lést á heimili sínu í Buenos Aires í Argentínu í fyrradag. Fyrir rúmum tveimur vikum hafði Maradona verið útskrifaður af spítala í borginni eftir að blæðing í heila koma upp. Hann gekkst undir aðgerð og hafði ekki náð bata eftir hana.

Molina sá um að koma á heimili Maradona ásamt samstarfsfélögum til að undirbúa Maradona fyrir kistulagningu.

Líkið var svo flutt í Casa Rosada þar sem Molina var með í för til að undirbúa kistulagningu fyrir fjölskylduna. Þar opnaði hann kistuna og lét taka mynd af sér með Maradona, hann seti hönd sína á höfuð hans og lét smella mynd.

Skömmu síðar var hann rekinn úr starfi eftir að upp komst um athæfi hans . Molina hefur fengið þúsundir morðhótanna eftir myndina, Maradona er guð í augum margra og að vanvirða hann fer lila í stóran hluta af fólkinu í Argentínu.

„Þetta er Diego Molina, sá sem tók myndina við kistu Maradona,“ skrifar Matias Morla lögfræðingur Maradona um málið og birti mynd af Morla.

„Hann var útfararstjórinn. Diego Molina er svínið sem tók mynd af sér með Maradona. Í minningu vinar míns þá mun ég ekki una mér hvíldar fyrr en að hann tekur út sína refsingu.“