Franska stórliðið Lyon mætti PSG í frönsku deildinni í gær.
Leiknum lauk með 1-0 sigri PSG. Lyon hefur ekki tapað deildarleik í næstum fjögur ár. Þær höfðu ekki tapað í síðustu 80 deildarleikjum. Það var því fullt tilefni fyrir PSG að opna kampavín að leik loknum eins og sjá má á meðfylgjandi mynd.
Sara Björk Gunnarsdóttir spilar með Lyon. Hún kom inn á sem varamaður á 69. mínútu leiksins.
Eina mark leiksins skoraði Marie-Antoinette Katoto á 10. mínútu.
Með sigrinum komst PSG upp fyrir Lyon á topp deildarinnar. PSG er með 25 stig eftir níu leiki og Lyon er með 24 stig eftir níu leiki.
Lyon hefur sigrað frönsku deildina síðustu 14 ár.
