Tæpt er að Jóhann Berg Guðmundsson kantmaður Burnley geti spilað með liðinu gegn Chelsea á laugardaginn vegna meiðsla í kálfa.
Þetta kom fram á fréttamannafundi Sean Dyche stjóra Burnley í dag en þar kemur fram að meiðslin séu smávægileg.
Jóhann var í byrjunarliði Burnley á mánudaginn þegar liðið tapaði 0-1 fyrir Tottenham á heimavelli en Burnley er aðeins með eitt stig.
Meiðsli í kálfa hafa hrjáð Jóhann um langt skeið en hann hefur byrjað síðustu tvo deildarleiki Burnley.
Jóhann fagnaði þrítugs afmæli sínu fyrr í vikunni en þetta er hans fimmta tímabil í ensku úrvalsdeildinni með Burnley.
PRESS | Dyche confirms Phil Bardsley is still following government guidelines after testing positive for Coronavirus, JBG has a minor calf issue, Erik Pieters remains a doubt, Ben Mee had a good run out on Monday and Jack Cork is making progress. 💬 pic.twitter.com/YkPPB9KVt5
— Burnley FC (@BurnleyOfficial) October 29, 2020
