Ísak Bergmann var í byrjunarliði Norrköping og átti stoðsendingu er liðið vann 1-3 sigur á Varberg í sænsku úrvalsdeildinni í dag. Stoðsendingu Ísaks má sjá neðst í fréttinni.
Norrköping komst í stöðuna 0-2 eftir tvö mörk frá Jonathan Levi.
Varberg minnkaði muninn með marki frá Astrit Seljmani á 45. mínútu en nær komust heimamenn ekki.
Jonathan Levi fullkomnaði þrennu sína og innsiglaði sigur Norrköping með marki á 71. mínútu.
Norrköping er eftir leikinn í 2. sæti deildarinnar með 39 stig eftir 24 leiki.
Fint klappklappspel på kanten när Levi nickar in 2-0 till IFK Norrköping pic.twitter.com/iCuT1tojc3
— Dplay Sport 🇸🇪 (@Dplay_Sport) October 18, 2020
Þá unnu Kolbeinn Sigþórsson og félagar í AIK 2-0 sigur á IFK Gautaborg í sænsku úrvalsdeildinni í dag. Kolbeinn var á meðal varamanna AIK og kom ekkert við sögu í leiknum.
AIK er eftir leikinn í 10. sæti deildarinnar með 30 stig.
Varberg 1 – 3 Norrköping
0-1 Jonathan Levi (’25)
0-2 Jonathan Levi (’38)
1-2 Astrit Seljmani (’45)
1-3 Jonathan Levi (’71)
AIK 2 – 0 IFK Gautaborg
1-0 Filip Rogic (‘4)
2-0 Henok Goitom (’61)